1. Naf jacayl Siciidow intuu; Saafay kala-jeexay
2. Sidrigiyo naf laabtaba kalgacal; Saaqay lagu raaray
3. Seedaha nafuu caashaq xidhay; Surimadii dhiigga
4. Nafaan seexanayn oo hurdada; Selel lasoo toosta
5. Naf sugaal baxnaaniyo ku nool; Samir la caadaysto
6. Sawir iyo hummaag iyo nafaan; Sabid ku maaweelsho
7. Sudda Toronto suqeeda weyn; Sahal dhul loo yaallo
8. Nafay sahayi kaga laalantaan; Sii kac leeyahaye
9. Sureer-nuura uunba qalbigu; Soo hel leeyahaye
10. Saadaal halowdaa nabdigu; Saanyo leeyahaye
11. Fulaybaan sutida loo qabtiyo; Solin xantiisiiye
12. Sirta igu negaatiyo haddaan; Sadarro kuu loogo
13. Surta iyo abwaanow haddaan; Kuu sinsimo guushka
14. Malabkaa sibbaaq kuu dhadhami; Sun iyo deebaaqe
15. Saxansaxada caashaq kacshaa; Siigo kuu noqonne
16. Sanqadhiyo wadnaha boodayaa; Selel ku qaadsiinne..
17. Sifadaan ku taabsiinayaa; Soohdin kuu diriye......
18. Suuree murtida wiilyarbaa; Taladu seegtaaye.......

19. Saad dahaba luul soo ifiyo; Saanad lagu dhaato
20. Saac ubaxa suurada mankuu; Saaranyahay xiinku
21. Sagal rooba sii-dhaca cadceed; Safaf shucaac muuja
22. Sidig tolan irmaan soocanoo; Seere lagu foofshay
23. Faras socodka laga dhawrayoo; Sabada loo daayay
24. Saryan ugub abeer sararihii; Farawgu soo saarmay
25. Sixin udug leh saafiga burcada; Sahay mid loo qaato
26. Sinji-dhaba tu Soomaalinnimo; Suubban lagu toodshay
27. Sinjigii Rasuulkiyo sharciga; Subax tu loo meershay

28. Sabaan adag dhulkoo noolihii; Socodka uu gaabshay
29. Sammaddiyo kaliishoo nafluhu; Uu surmiyo oonka
30. Tu uun seermaweydiyo ka dhigan; Dirir sagaareedka

31. Sanqaroorka lagu uumay iyo; Suuniyaha guudka
32. Socodkiyo talaabada degane; Sahal u miisaaman
33. Soojeed wanaaggiyo xubnaha; Laysu wada soocay
34. Sawdkiyo odhaahdiyo codkay; Subax i deeqsiisay
35. Suntay igu abuurtiyo cishqiga; Sudhan laxaadkayga

Views: 11034

Comment

You need to be a member of Aduun to add comments!

Join Aduun

Comment by sharmarke on February 16, 2010 at 5:32am
woow ღღღღღ waan ka helay gabeygaan dhab ahaantiiiღღღღ
hadaan mid ku weydiiyo waa (QORAAGA) ma adaa qoray mise gabayaa caanah ayaa tixdaan Gabeyga ah tiriyey lol...????


just waa su'aal fadlan iiso jawab, adoon ka xumaan!!!!...........
Mahad sanid....
Comment by heysam axmed on February 16, 2010 at 5:08am
walalyaal ad iyo ad ayad ugu mahadsantahiin
Comment by maxamed ali maxamed on February 6, 2010 at 11:54am
Ha yaabin akhriste.Ha is odhan maxaa qaaday cabdikarin oo waa maxay badahan jacaylka ah ee uu galay.Jacaylku waa wax jira Ilaahay ayaana ku dhex abuuray bani aadamka.In badan oo sannado ah ayaan iska ilaaliyay inaan gabay ka sameeyo arrimo jacayl oo arintaan oo kale .Laakiin markay noqotay alamtara soo dhaaf ee aan wajahay wixii aan iska ilaalinayay ayay noqotay in aan aamusi kari waayo.
Gabaygu waxa uu ka turjumayaa dareen jacayl oo dhab ah oo qotodheer ka hadlaayo ........

Caashaqu balaayiyo haduu baxar u qaab eegyay
Baasuug sidiisii haddii aan ka baqanayno
Boodhari hadduu aasay saman geeyay bohol hoose
Qayskiina uu balnabalshuu biixiyaa jabiyay
Barkhad iyo marbuu kuu noqdaa shay leh bogitaane
Badhaadhiyo kolbuu khayr yahoo lana bogaadshaaye

Biciidkuba wuxuu raadsadaa meesha baadka lehe
Dadna baahidoodaa waddoo la isu bohol yow ye

Nin haduu bad wayn caashaq galo gabadhna uu baafsho
Uu bilis haweenana damcuu raadsho bariyaalna
Guulluhuna badhitaaro oo la isku soo beego
Barkhad iyo waxay jaarayaan bashbash iyo nuure
Jacaylkuna barwaaquu u yahay beersan uu dagaye

Baritoole xaalkii ku heli samo inaad boobi
Iyo inad bal bayhoofaysoo balanbal aad jiidhi
Badiicaas Ilaah baa ogooy una bidhaantaaye

Waayahanba biimaan ku jiray baaxad soore ahe
Nafti way buseeshoo galgacal baa bariinsadaye
Baloodh baanay uu dagay cishqigu beedna igu qaraxye
Boholyoowga tii beertay baan baadigoob rabaye
Dumarkoo balaayiina baan baadhayaa kaliye
Baarqabkuba wuxuu geel u yahay baawar ka u roone
Buruud bay hablaha dheertahoo way ka badisaaye

Barqadiyo arooraha horee camalka loo boodo
Buhur bacda casar bili leh baraf habeenkiiya
Barashiyo haddaan aado goob uu cilmigu buuxo
Bariis iyo anoo ruugi hilib baadna cuni doonay
Bogga kama maqnaatiyo wadnaha dhiiga baahiya e

Siday tahay bustaan hawrayoo bilo guyeed taagan
Dhaayaha bushaaray u tahay bilic wanaag lay ye
Bishinteedu hadalkuu hadalkuu yidhaa waan u baahnahaye
Bariidadeed waxay biinaysaa xiise biirsamaye
Sida beer an dhalaybaa intaa lay bidhbidhiyaaye
Bustahayga sidiiyooy tay baan kuna baraarugiye
Biyo iyo hadday noqon lahayd maax burqanahaysa
Bisinkaan u qaban laa harraad way burburin layde
Baydariin haddii ay tihiyo maado borotiinleh
Bari hore ayaan cuni lahaa waanan bidhan laaye
Ballac iyo hadday laabtu dherer ama balaadh leeday
Bayd baaban uga waabi laa ay ku baridaaye
Dad haduu bah qudha wada yahoon kala baqoolaynin
Bidix iyo waxaan noqon lahayn midig is baal yaalle

Bilantaas inaan mehersan iyo inayga baydhayso
Baal baa haddeer saaranoo mana bayaansana e
Burji iyo hadii aan la galo baydcad iyo daro
O an boqoradaas guursadooy baasha igu hayso
Inaan biririx noqon laa mar hore baydku wuu qiraye

Allahayoow adaa bariyoo bixiya deeqaaye
Adigaa bogsiin kara qofkii boogo la il darane
I baryana adaa igu yidhoon kuuna baahanaye
Baxsanaan sidii ii leh uun igaga yeel baaqi
Comment by saman xasan axmed on February 6, 2010 at 10:09am
walaal ad iyo ad ayad ugu mahadsantay gabayga jacaylka ah ee aad soo qortay markii aa akhiyay ma aqaan aniga oo dan ayaa la i saaqay waxaan kamid ahay dadka jacaylka xoog u taageera thanks
Comment by ♥♥sahil♥♥ on February 5, 2010 at 7:42am
ashrafoow sahal maahan caashaquye sakaraad inuu kugu diliyo seedaha jirkiyo saameeyo oogada silac iyo saxarrii mooyee iyo inuu sariis kugu aruuniyo sikale lagama helee saas ha dhihin, samaanta haka eegin sabahan keenana waa haweenka o aan daacad ahayn thanks bye

© 2014   Created by Aduun Team.

Badges  |  Report an Issue  |  Terms of Service